|

آخرین عناوین:
  • تاریخ انتشار خبر :سه شنبه ۲۲ اسفند ۱۳۹۶ - ۱۰:۲۸ | کد خبر : 68369
  • پرینت

    آذرقلم: تورکجه دیلی، فرهنگستان، فراکسیون، تبریز ۲۰۱۸ و… اولوب قیر وئرمک آغاجی! بیر ایکی دور دوروب میکروفون آرخاسیندا بو قونولارا گؤره قیر وئریب، آمما بیر قیران پول گتیرمه ییب.

    طنز: جهانبخش احمدیان
    آذرقلم: قیر وئرمک نه دیر؟ قیر وئرمک، دئمک ایکی آنلامی وار،بیرینجی سی آسفالت دان اؤنجه یئره تؤکولن قیر ماده سی و ایکینجی بیر ایشی گؤرمه مک قصدی ایله، خالقی سریمه که، دییرلر قیر وئرمک.
    قیر وئرمه کین شهری توپلوم لارا بلکه فایداسی اولا، آمما چوخ قیر وئرمه ک ده ضررسیز دئیل. ائله بو آسفالت جریانین نظرده آلین، چوخ قیر وئرسه لر، گون ووروب قیری اریدر و آسفالت اونون اوستونده قالماز، اوردادکی ماشین لاردا خیاواندا باشلارلار قیر وئرمه که، یانی یول گئتمزلر. یول گئدن ماشین دا، ایاق دان دوشوب، خرجی باتیرار.
    بو گون شهریمیزده قیر وئرمک بحثی واریدی، نئچه مسئول ییغیشیب بیر یئره، ایستیردیلر قیر وئرسین لر. البته بوردا اصلی رولی مجلیس نائبی دوکتور پزشکیان اوینوردو کی اساسا قیر وئرمک مسئله سیننده حرفه ای دیر. بو آرادا بیر ظارافات دا ائدیب و ایسپورچولاردان ایسته دی کی ایشچی یئرینه گلیب فهله لیک ائله سین لر و یادیگارا گئدن یول لارین جدول لرین دوزسین لر.
    البته قیر وئرمک ائله رئیس رؤسانین ایشی دیر، یوخسا تبریز ۲۰۱۸ ، نیه گرک ۵ آی یوبانیب و بایرام گؤروشچی لری باشقا شهرلره یاییلسین؟!

    Image result for ‫قیر دادن‬‎ ایللاهدا بو نائب رئیسیمیز، مجلیسده کی بیر سؤزو دانیشار، باشا گتیره نه قدر، آی قیر وئرر، آی قیر وئرر کی گل گؤره سن.
    تورکجه دیلی، فرهنگستان، فراکسیون، تبریز ۲۰۱۸ و… اولوب قیر وئرمک آغاجی! بیر ایکی دور دوروب میکروفون آرخاسیندا بو قونولارا گؤره قیر وئریب، آمما بیر قیران پول گتیرمه ییب.
    بیری سی یوخدور کی دییه، آی دوکتور، قیر وئرمه داداشیم، پول وئر! شهریمیزین، اوستانیمیزین پولا احتیاجی وار، قیرا یوخ!
    البته بو قیر گتیرمک ده، بلکه ده او فوتبولچی اوغلان دئدی کی : ( خیریت وار ) . بویون صاباح او یول وزیری نی پارلیماندا سورغویا چکه جکلر، بئله فیکیر ائدیرم بیزیم دوکتورده تبریز اوچون ایکی بوشقا او وزارت دن قیر آلماغ ایله، ایستیر آخوندی نی او معرکه دن قورتارسین.
    بلی قیر وئرمک ده موفته دئیل کی، قوی آووجوما، قویوم آووجووا دیر. هر رأی بیر بوشقا قیر ایله برابر دیر. یانی دوکتور ۱۰۰ رأی ییغا آخوندی یه، ۱۰۰ بوشقا قیر گتیره جک تبریزه.

  • برچسب ها :
  • نظرات کاربران در "قیر وئرمه آقای دوکتور، پول وئر!"
    نظرات در مورد » “قیر وئرمه آقای دوکتور، پول وئر!”

    Seo wordpress plugin by www.seowizard.org.