|

آخرین عناوین:
  • تاریخ انتشار خبر :دوشنبه ۹ بهمن ۱۳۹۶ - ۰۹:۱۴ | کد خبر : 66890
  • پرینت

    شعر طنز: زنده یاد حمید آرش آزاد اذن وئر من‌ده سن‌ایله بیر اروپایه گلیم سن چیخاندا بازارا، من‌ده سنه سایه گلیم «حقِّ مأموریت» آل سن نئچه میلیون «یورو» من ساتیم پار- پالازی، سن‌له اروپایه گلیم سن دوْلان بولغاری باشدان باشا، هرجور کئفی چک وئر اجازه منه‌ده تکجه اوْ وارنایه گلیم ناپل‌دان دوْیسا گؤزون، مارسئیه گئت، […]

    شعر طنز: زنده یاد حمید آرش آزاد

    اذن وئر من‌ده سن‌ایله بیر اروپایه گلیم
    سن چیخاندا بازارا، من‌ده سنه سایه گلیم
    «
    حقِّ مأموریت» آل سن نئچه میلیون «یورو»
    من ساتیم پار- پالازی، سن‌له اروپایه گلیم
    سن دوْلان بولغاری باشدان باشا، هرجور کئفی چک
    وئر اجازه منه‌ده تکجه اوْ وارنایه گلیم
    ناپل‌دان دوْیسا گؤزون، مارسئیه گئت، هم کانی گز
    حؤوله چین‌ده من اوْلوب، ساحلِ دریایه گلیم
    امضالا چوْخلو قرارداد، سن آغیر پورسانت آل
    پول سایاندا، منی‌ده قوْی‌کی، تماشایه گلیم
    انگلیس‌ده، یئکه باشلارلا آپار سن دانیشیق
    من‌ده کار، کوْر، دانیشیق سیز، اوْرا بی‌مایه گلیم
    سن سوویس‌ده، یئتیش اؤز بانکی حسابدا پولونا
    من‌ده آغزیم سولانان حالدا اوْ مأوایه گلیم
    سن گئدیب توْیلارا، شیرینی یئییب، اوْل خندان
    من‌ده‌کی چوْخ قوْجایام، یاسلارا، حلوایه گلیم
    یوْلون آمریکایا دوشسه، کاراییب‌ده حاللان
    من جیریق پالتار ایلن، قیشدا آلاسکایه گلیم
    قوْی سنه مشتری دورسون «بی.بی.سی» «سی.ان.ان»
    من‌ده بارماغی آچیب «V» کیمی سیمایه گلیم
    گئتسن آفریقایا، قال ساحلِ عاج‌دا هرگون
    من یازیق آج- یالاواج، تکجه کاتانگایه گلیم
    آدیم «آرش»، نه اوْخوم واردیر الیمده، نه یاییم
    سن پارا توْپلا، بوراخ بنده‌نی افنایه گلیم

  • برچسب ها :
  • نظرات کاربران در "شعر طنز: قوْی من‌ده گلیم!  "
    نظرات در مورد » “شعر طنز: قوْی من‌ده گلیم!  ”
    1. ناشناس گفت:

      چوخ گوزل شعردی. نورایچینده یاتسین .


    Seo wordpress plugin by www.seowizard.org.